Lanka Fashion

No 01 Online Fashion Magazine

පහසුවෙන් බර අඩු කර ගැනීමට සරල ටිප්ස් කිහිපයක්.

අද වන විට බොහෝ දෙනකු අධික බර සහ ස්ථුලතාවය යන ප්‍රශ්නවලින් පීඩා විඳිනවා. අධික බර තරබාරුකම මගහැරවා ගන්න ඔවුන් ව්‍යායාම්, ආහාර පාලනය විවිධ අයුරින් සිදුකරන්නට පෙලඹිලා තිබෙනවා. එහි සාර්ථක ප්‍රතිඵල සේම අසාර්ථක උත්සහයන් ද දැකගන්න පුළුවන්.තරබාරුකම නිර්ණය කරන ශරීර ස්කන්ධ දර්ශකය පරාසයන් ශ්‍රී ලාංකිකයන්ගේ සිරුරුවලට ගැලපෙන පරිදි නැවත සංශෝධනය කර බව ඔබ දන්නවා ඇති.

නව ශරීර ස්කන්ධ දර්ශකයට අනුව සමාජයේ අධිබර හා ස්ථුලතාව ඇති පුද්ගලයන්ගේ ප්‍රතිශතය තවත් ඉහළ ගොස් තිබෙනවා.මේ අධික තරබාරුකම හේතුවෙන් රෝග රැසකට මුහුණදීමට මෙවැනි පුද්ගලයන්ට සිදුවෙනවා. හෘදයාබාධ, අංශභාගය,දියවැඩියාව, අධි රුධිර පීඩනය, අහිතකර කොලොස්ටරෝල් ඉහල යාම, ආතරයිටීස්, ඇතැම් පිළිකා තත්ත්වයන් වැනි භයානක රෝගී තත්ත්වවයන් වැළඳීමේ අවදානම ඉහළ මට්ටමක පවතිනවා. තමන්ගේ සිරුරේ බර සාමාන්‍ය මට්ටමක පවත්වා ගැනීමෙන් හා ශරීර ස්කන්ධ දර්ශකය නියමිත පරිදි තබා ගැනීමෙන් මෙම රෝගී තත්ත්වයන්ගෙන් වැළකී සිටින්න පුළුවන්.

ඔබ තරබාරු අයෙක් නම්, බර අඩු කර ගැනීමේ ක්‍රමවේදයක් ප්‍රායෝගිකව සැලසුම් කරගන්න.බර අඩු කර කර ගැනීමකර ගැනීමේ ක්‍රමවේදය තුළදීත් මන්දෝත්සාහි වීම අවම කර ගත හැකි වනවා.ඔබේ ශරීරයේ බර සතියකට ග්‍රෑම් හාර 450 ත් 950 ත් අතර ප්‍රමාණයක් අඩුකර ගැනීම ප්‍රමාණවත් වනවා එවිට වසරක් අවසානයේ ඔබට ඔබේ බර කිලෝ 23 ත් 47 ත් අතර ප්‍රමාණයක් අඩු කරගත හැක.ඔබ බර අඩු කර ගැනීම ක්‍රමවේදය සකස් කර ගැනීමේදී, එකවරම අධික ලෙස ආහාර සීමා කිරීම් සිදු නො නොකළ යුතුයි.එකවරම දිනකට වැඩිැඩි වේලාවක් ව්‍යායාම් සිදු කිරීම නොකළ යුතුයි.ඔබ එකවරම ශරීරයට අධික පීඩනයක් යෙදෙවුවොත් ඔබට වෙනත් අත් අතුරු ආබාධයක් වුවද ඇති විය හැකි බැවින් කල්පනාකාරී වන්න.

ඔබේ ආහාර රටාවේ සුළු සුළු වෙනස්කම් සිදු කරමින් ක්‍රමක්‍රමයෙන් ව්‍යායාම් කිරීමට ආරම්භ කරන්න. මුල දී සරල ව්‍යායාම සිදු කරන්න.ඔබට උදාහරණයක් ලෙස පවසනවා නම්,ඔබේ ආහාර රටාව වෙනස් කිරීමේ දී පැණි රස ආහාරයට ගැනීම අවම කිරීම, සිසිල් බීම පානය කිරීම නතර කිරීම,එමෙන්ම ව්‍යායාම් සිදු කිරීමේදී මුලදී දිනකට මද දුරක් ඇවිද යාම, මද දුරක් වේගයෙන් දිවීම වැනි දේ කළ හැකිය.ඔබට මෙම ක්‍රමවේදයට අනුගත වීමෙන් ටික ටික ‍ ව්‍යායාම් ක්‍රම වැඩි වැඩිකිරීමෙන් ආහාර රටාවන් පාලනය කිරීමෙන් ඔබටම ඔබේ ශරීරයේ සැහැල්ලු බවක් සහ ශක්තිමත් බවක් දැනෙනු ඇත.ඔබ ව්‍යායාම් කිරීමේදී සලකා සැලකිලිමත් විය යුත්තේ ඔබ අධික තරබාරු අයෙක් නම් ඔබට එකවර ව්‍යායාම් කිරීම අපහසු වේ. ක්‍රමක්‍රමයෙන් දිනකට ව්‍යායාම් කිරීමට හුරුවන්න.නිතරම වාහන වලින් ගමන් කරනවාට වඩා පයින් යාමට උත්සාහ කරන්න.ව්‍යායාම එක් එක් ආකාරයෙන් පවතී.
• ස්වායු ව්‍යායාම්
• ශක්ක්තිජනක ව්‍යායාම්
• ඇදීමේ ව්‍යායාම්

ස්වායු ව්‍යායාම් වෙනුවෙන් කඳු නැගීම, ඇවිදීම, සෙමෙන් දිවීම සිදු කළ හැක.ශක්තිජනක ව්‍යායාම් වෙනුවෙන් බර එසවීම, ප්‍රතිරෝධ පටි යොදා ගනිමින් කරන ව්‍යායාම් දැක්විය හැක.ඇදීමේ ව්‍යායාම් ලෙස යෝග ව්‍යායාම සිදු කළ හැක.ඔබ අවම වශයෙන් දිනකට විනාඩි තිහක් ව්‍යායාම් කිරීම සඳහා කාලය වෙන් කරන්න.තරබාරු ඔබ ආහාර ගැනීමේ දී කළ යුතු වන්නේ එක ආහාර ආහාර කාණ්ඩයක් අසීමිතව සීමා නොකළ යුතුයි.උදාහරණයක් ලෙස පවසනවා නම් කාබෝහයිඩ්‍රට් අඩංගු ආහාර සම්පූර්ණයෙන්ම අත්හැර බර අඩු කර ගැනිමට ඇතැමුන් උත්සාහ දරනවා. එසේ සිදු නොකළ යුතුයි. මන්දයත් අපේ ශරීරයට කාබෝහයිඩ්‍රේට් යම්කිසි ප්‍රමාණයක් අවශ්‍ය වනවා.ඔබ කළ යුත්තේ සමබර ලෙස සෑම ආහාර පෝෂක කොටසක්ම පාලනය කර යම්කිසි ප්‍රමාණයක් ශරීරයට ලබා ගැනීමයි.ඔබ දිනකට ගන්නා කැලරි ප්‍රමාණය දාහකට වඩා අඩු නොවිය යුතුයි.

ඔබ ගත්යුතු ආහාර ලෙස කුරුට්ට සහිත සහල්, ධාන්‍ය වර්ග, එළවළු හා පලතුරු, ප්‍රෝටීන හා කිරි සමබරව වශයෙන් විශේෂයෙන් ඔබ මතක තබා ගත යුත්තේ මේ සියල්ල කිරීමට පෙර වෛද්‍යවරයෙකුගෙන් උපදෙස් ලබා ගැනීමයි.ඔබේ ශරීර ස්කන්ධ දර්ශකයට අනුව ඔබ ව්‍යායාම් කිරීමත් ආහාර ගැනීම්ක් සිදු කළ යුතු වනවා.හිතුමනාපෙට කිසිවක් සිදු නොකළ යුතුයි.ඔබේ බර අඩු කර ගැනීම ඔබේ ශරීරයට යෝග්‍ය දැයි පරීක්ෂාකර බැලිය යුතුයි.වෛද්‍යවරයකු හරහා වෛද්‍යවරයාගේ උපදෙස් අනුව ඔබේ ව්‍යායාම් රටා සිදු කිරීම හා වෛද්‍යවරයා නිර්දේශ කරන ආහාර වට්ටෝරුව ආහාරයට ගැනීම මගින් මසකට වරක් වෛද්‍යවරයා මගින්ම ඔබේ ශරීරයේ බර ප්‍රමාණයේ වෙනස්කම් පරික්ෂා කර ගත හැක.සැමවිටම වෛද්‍ය උපදෙස් අනුව ක්‍රියාකිරීමට කටයුතු කරන්න.